ಕುಂಟಿಕಾನ ಮಠದಲ್ಲಿ ಬಿಜೆಪಿ ಅಭ್ಯರ್ಥಿಗಳಿಗೆ ಅಭಿನಂದನೆ

ಮಂಗಳೂರು:- ಹಿರಿಯ ಯಕ್ಷಗಾನ ಕಲಾವಿದ ಸುರೇಶ್ ಶೆಟ್ಟಿ ಯೆಯ್ಯಾಡಿ (45) ನಿನ್ನೆ ರಾತ್ರಿ ಸ್ವ - ಗೃಹದಲ್ಲಿ ನಿಧನರಾದರು.

ಮೃತರು ರಕ್ತಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದರು. ಇವರು ಮಂಗಳೂರು ಬಾಳ ಶ್ರೀ ಬೆಂಕಿನಾಥೇಶ್ವರ ಮೇಳದ ಮುಖ್ಯ ಸ್ತ್ರೀವೇಷಧಾರಿಯಾಗಿದ್ದು, ಹಲವಾರು ಪ್ರಖ್ಯಾತ ಮೇಳಗಳಲ್ಲಿ ತಿರುಗಾಟ ನಡೆಸಿದ್ದರು.

ಚಿಕ್ಕ ಮೇಳವನ್ನು ಮುನ್ನಡೆಸಿದ್ದ ಇವರು ನಾಟಕ, ಚಲನಚಿತ್ರ, ಕಿರು ಚಿತ್ರಗಳಲ್ಲಿ ನಟಿಸಿದ್ದರು. ಅಲ್ಲದೇ ಟೀಮ್ ಮಂಜುಶ್ರೀ ತುಳುನಾಡ್ ತಂಡದ ಕಲಾ ಪೋಷಕರಾಗಿದ್ದು, ತಂಡದ ನೂತನ ನಾಟಕ "ದಿಸೆ ತಿರ್ಗ್‌ ನಗ" ದಲ್ಲಿ ಮುಖ್ಯ ಪಾತ್ರ ನಿರ್ವಹಿಸಲಿಕ್ಕಿದ್ದರು.

ಮೃತರು ಪತ್ನಿ ಮತ್ತು ಮಗನನ್ನು ಅಗಲಿದ್ದಾರೆ. ಮೃತರ ನಿಧನಕ್ಕೆ ಟೀಮ್ ಮಂಜುಶ್ರೀ ತುಳುನಾಡ್ ಹಾಗೂ ಕಲಾಚಾವಡಿ ಗಾಢವಾದ ಸಂತಾಪ ಸೂಚಿಸಿದ್ದು, ಮೃತರ ನಿಧನದ ಶೋಕಾರ್ಥ ಮೂರು ದಿನಗಳ ಕಾಲ ಸಂಸ್ಥೆಯ ಎಲ್ಲಾ ಕಾರ್ಯಕಲಾಪಗಳನ್ನು ಸ್ಥಗಿತಗೊಳಿಸಲಾಗಿದೆ.