ಮಂಜುಶ್ರೀ ನ್ಯೂಸ್ ಮಂಜೇಶ್ವರ
ನಮ್ಮ ಪ್ರತಿನಿಧಿ ವರದಿ
ಮಂಜೇಶ್ವರ:- ಕೇಂದ್ರ ಸರಕಾರವು ಡೀಸೆಲ್ ಹಾಗೂ ಪೆಟ್ರೋಲ್ ಬೆಲೆ ಏರಿಕೆಯನ್ನ ದಿನಂಪ್ರತಿ ಹೆಚ್ಚಳಗೊಳಿಸುತ್ತಿದ್ದು, ಇದರಿಂದ ಜನತೆ ಕಂಗೆಟ್ಟು ಹೋಗಿದ್ದಾರೆ. ದಿನ ನಿತ್ಯವೂ ಉಪಯೋಗಿಸುವ ವಸ್ತುಗಳ ಬೆಲೆ ಏರಿಕೆ ಕೂಡಾ ಅಧಿಕವಾಗುತ್ತಿದ್ದು, ಇದಕ್ಕೆ ಕೇಂದ್ರ ಹಾಗೂ ರಾಜ್ಯ ಸರಕಾರಗಳು ಸಮಾನ ಹೊಣೆಯಾಗಿದೆಯೆಂದು ಕಾಸರಗೋಡು ಸಂಸದ ರಾಜ್ ಮೋಹನ್ ಉಣ್ಣಿತ್ತಾನ್ ಆರೋಪಿಸಿದ್ದಾರೆ. ಅವರು ಇಂದು ಬೆಳಗ್ಗೆ ಹೊಸಂಗಡಿ ಗೇಟ್ ವೇ ಸಭಾಂಗಣದಲ್ಲಿ ಮಂಜೇಶ್ವರ ಬ್ಲಾಕ್ ಕಾಂಗ್ರೆಸ್ ಸಮಿತಿಯ ಕಾರ್ಯಕರ್ತರ ಸಭೆಯನ್ನುದ್ದೇಶಿಸಿ ಮಾತನಾಡಿದರು. ಪಕ್ಷವನ್ನು ತಳ ಮಟ್ಟದಿಂದಲೇ ಸಂಘಟಿಸುವ ಕುರಿತು ಕಾರ್ಯಕರ್ತರಿಗೆ ಕಿವಿ ಮಾತು ಹೇಳಿದರು. 
ಸಭೆಯ ಅಧ್ಯಕ್ಷತೆಯನ್ನು ಮಂಜೇಶ್ವರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಮೊಹಮ್ಮದ್ ಡಿ.ಎಂ.ಕೆ ವಹಿಸಿದ್ದರು.
ಈ ವೇಳೆ ಕಾಸರಗೋಡು ಜಿಲ್ಲಾ ಕಾಂಗ್ರೆಸ್ ಸಮಿತಿಗೆ ನೂತನವಾಗಿ ಅಧ್ಯಕ್ಷರಾಗಿ ಆಯ್ಕೆಯಾದ ಪಿ.ಕೆ ಪೈಸಲ್ ರವರನ್ನ ಮಂಜೇಶ್ವರ ಬ್ಲಾಕ್ ಕಾಂಗ್ರೆಸ್ ವತಿಯಿಂದ ಶಾಲು ಹೊದಿಸಿ, ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ಸಭೆಯಲ್ಲಿ ಡಿ.ಸಿ.ಸಿ ಪ್ರಧಾನ ಕಾರ್ಯದರ್ಶಿಯಾದ ಸೋಮಶೇಖರ್ ಜೆ.ಎಸ್, ಸುಂದರ ಆರಿಕ್ಕಾಡಿ, ಸಾಜಿದ್ ಮೌವ್ವಲ್, ಮಂಡಲ ಅಧ್ಯಕ್ಷರುಗಳಾದ ಸಂಕಬೈಲ್ ಸತೀಶ್ ಅಡಪ್ಪ, ಉಮ್ಮರ್ ಶಾಫಿ ಮಾಸ್ತರ್, ಸುಕುಮಾರ ಶೆಟ್ಟಿ, ಬ್ಲಾಕ್ ಪಧಾಧಿಕಾರಿಗಳಾದ ಪಿ. ಸೋಮಪ್ಪ, ಐ.ಆರ್.ಡಿ.ಪಿ ಇಬ್ರಾಹಿಂ, ಗುರುವಪ್ಪ ಮಂಜೇಶ್ವರ, ಅಜೀಜ್ ಕಲ್ಲೂರು, ಮೊಹಮ್ಮದ್ ಮಜಾಲ್, ಮೊಹಮ್ಮದ್ ಬೆಜ್ಜ, ಚಂದ್ರಶೇಖರ ಶೆಟ್ಟಿ ಬೆಜ್ಜ, ಇಕ್ಬಾಲ್ ಕಳಿಯೂರು, ಬಾಬು ಬಂದ್ಯೋಡ್, ಆರಿಫ್ ಮಚ್ಚ0ಪಾಡಿ, ಓಂ ಕೃಷ್ಣ ಕಣ್ವತೀರ್ಥ, ಗಣೇಶ್ ಪಾವೂರು, ದಿವಾಕರ ಎಸ್.ಜೆ, ಝಕಾರಿಯಾ ಶಾಲಿಮಾರ್, ಅಲ್ಮೇಡಾ ಡಿ' ಸೋಜಾ, ಇಬ್ರಾಹಿಂ ಕುಂತೂರು, ಜೂಲಿಯನ ಡಿ' ಸೋಜಾ, ನಾರಾಯಣ ಶೆಟ್ಟಿ ಪಾವೂರು, ಉಮ್ಮರ್ ಬೊರ್ಕಳ, ಹಮೀದ್ ಕೋಡಿಯಡ್ಕ, ಸೀತಾ ಡಿ, ಫ್ರಾನ್ಸಿಸ್ ಡಿ'ಸೋಜಾ, ಶಾಂತಾ ಆರ್. ನಾಯ್ಕ್, ವೇದಾವತಿ ಕೆ, ಖಲೀಲ್ ಬಜಾಲ್, ಮನ್ಸೂರು ಬಿ.ಎಂ, ಯೂತ್ ಕಾಂಗ್ರೆಸ್ ಮಂಜೇಶ್ವರ ಬ್ಲಾಕ್ ಸಮಿತಿ ಅಧ್ಯಕ್ಷ ಇರ್ಷಾದ್ ಮಂಜೇಶ್ವರ, ಯೂತ್ ಕಾಂಗ್ರೆಸ್ ನ ಎಲ್ಲಾ ಮಂಡಲ ಅಧ್ಯಕ್ಷರುಗಳು, ಕಾಂಗ್ರೆಸ್ ನ ಪೋಷಕ ಸಂಘಟನೆಯ ಪಧಾಧಿಕಾರಿಗಳು, ಹಾಗೂ ಕಾರ್ಯಕರ್ತರು ಮೊದಲಾದವರು ಉಪಸ್ಥಿತರಿದ್ದರು.
ವರದಿ ಮತ್ತು ಚಿತ್ರಗಳು : ರತನ್ ಕುಮಾರ್ ಹೊಸಂಗಡಿ
