ಎಲ್ಲರಿಗೂ ಪಥ್ಯವಾಗುವ ಹಿಂದೂ ಧರ್ಮದ ವಿದ್ಯೆ ಕೆಲವರಿಗೆ ಯಾಕೆ ಅಪಥ್ಯವಾಗುತ್ತದೆ ಎಂದು ಪ್ರಶ್ನಿಸಿದರು. ಧರ್ಮಾನಂದ, ಆರ್.ಸಿ ಮಜುಂದಾರ್ ನಂತಹ ಸಾಹಿತಿಗಳು ದೇಶದ ಧಾರ್ಮಿಕ ಇತಿಹಾಸದ ಬಗ್ಗೆ ಬಹಳಷ್ಟು ಬೆಳಕು ಚೆಲ್ಲಿದ್ದಾರೆ. ಸಾಂಸ್ಕೃತಿಕವಾಗಿ, ಸಾಹಿತಿಕವಾಗಿ ಬಹಳ ಸಮೃದ್ಧವಾಗಿರುವ ಭಾರತದಲ್ಲಿ ಪ್ರತಿ ಕುಲಕ್ಕೂ ಕುಲದೇವ, ಗ್ರಾಮಕ್ಕೆ ಗ್ರಾಮದೇವ ಇರುವುದು ವಿಶೇಷ. ಇಂತಹ ಪರಂಪರೆ ಬೇರೆಲ್ಲೂ ಇಲ್ಲ ಎಂದರು. ಸುಬ್ರಹ್ಮಣ್ಯನು ನಾದದ ಅಧಿದೇವತೆ, ನಮ್ಮೆಲ್ಲ ಮಾತಿನ ಮೂಲಶಕ್ತಿ ಸುಬ್ರಹ್ಮಣ್ಯ, ವೇದಸಾರದಲ್ಲೂ, ತೈತ್ತರೀಯ ಉಪನಿಷತ್ತಿನಲ್ಲೂ ಸುಬ್ರಹ್ಮಣ್ಯನ ಸ್ತುತಿಯಿದೆ, ಆತ ಸುಜ್ಞಾನದ ಅಧಿಪತಿಯಾಗಿದ್ದಾನೆ. ಈತನ ಜ್ಞಾನಧಾರೆಗೆ ನಮಿಸಿ ಎಲ್ಲರೂ ಸಂಭ್ರಮಿಸೋಣ ಎಂದರು. ಧಾರ್ಮಿಕ ಸಭೆಯಲ್ಲಿ ಉಪಸ್ಥಿತರಿದ್ದ ಕುಟುಂಬ ಪ್ರಭೋದಿನಿ ಪ್ರಮುಖ್ ಕಜಂಪಾಡಿ ಸುಬ್ರಹ್ಮಣ್ಯ ಭಟ್ ಮಾತನಾಡಿ ಭಾರತ ದೇಶದ ಹಿರಿಮೆ ಇರುವುದು ನಮ್ಮ ಜೀವನ ಮೌಲ್ಯಗಳಲ್ಲಿ, ಸಂಸ್ಕೃತಿಯ ಮೌಲ್ಯಗಳು ಮನೆಯಿಂದ ಆರಂಭವಾಗಿ ನಮ್ಮ ಮನಗಳನ್ನು ಬೆಳಗಬೇಕು. ಧಾರ್ಮಿಕ ಶಿಕ್ಷಣದ ಮೂಲಕ ಮನೆಯು ವಿದ್ಯಾಲಯ, ಆದರಾಲಯ,ಸೇವಾಲಯಗಳಾಗಬೇಕೆಂದರು. ವೇದಮೂರ್ತಿ ಜಯರಾಮ ಚಿಂಚಳಕರ್ ಕಾಶಿ ಸದನ ಮಂಗಳೂರು ಮಾತನಾಡಿ ಧರ್ಮದ ಪುನರುತ್ಥಾನವು ಶ್ರದ್ಧೆ ಮತ್ತು ಭಕ್ತಿಯ ಕೇಂದ್ರವಾದ ದೇಗುಲಗಳಿಂದಾಗುತ್ತದೆ. ವರ್ತಮಾನದಲ್ಲಿ ಲೋಕಕ್ಕೆ ಎರುಗಿದ ಕಂಟಕಗಳು ಶ್ರೀದೇವರ ಕೃಪೆಯಿಂದ ಇಲ್ಲವಾಗಲಿ ಎಂದು ಆಶಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಗಣಪತಿ ಭಟ್ ಕೆ.ಎಂ- ನಮ್ಮ ಮನಸ್ಸಿನ ಶಕ್ತಿ ಅಗಾಧವಾದುದು. ಆದರೆ ಇದನ್ನು ಹಿಡಿದಿಟ್ಟುಕೊಳ್ಳುವುದು ಕಷ್ಟ. ಧ್ಯಾನ, ಭಕ್ತಿ ಮಾರ್ಗದಿಂದ ಇದಕ್ಕೆ ಸರಿಯಾದ ದಿಶೆಯನ್ನು ತೋರಬಹುದು. ಆಧುನಿಕ ಪೀಳಿಗೆ ಎಲ್ಲವನ್ನು ಪ್ರಶ್ನೆ ಮಾಡುತ್ತದೆ. ದೇವನಿದ್ದಾನೋ ಎಂಬ ಪ್ರಶ್ನೆಗೆ ಸ್ವಂತ ಅನುಭವಗಳಿಂದಷ್ಟೇ ಉತ್ತರ ಕಂಡುಕೊಳ್ಳಬಹುದು. ಭಕ್ತಿ ಮತ್ತು ಪ್ರಯತ್ನದಿಂದ ಎಲ್ಲವೂ ಸಿದ್ಧಿಸುತ್ತದೆ. ನಿಯಮಿತ ದಿನಚರಿಯು ಉತ್ತಮ ಬಾಳ್ವೆಗೆ ರಹದಾರಿಯಾಗಿದ್ದು, ದಿನಕ್ಕೊಮ್ಮೆ ದೇಗುಲಗಳಿಗೆ ತೆರಳಿ ಶ್ರೀದೇವರ ದರ್ಶನವನ್ನು ಮಾಡುವ ಪರಿಪಾಠವನ್ನು ಬೆಳೆಸಿಕೊಳ್ಳೋಣ ಎಂದರು. ಮಹಾಲಿಂಗೇಶ್ವರ ದೇವಸ್ಥಾನ, ಬಜಕೂಡ್ಲು ಇದರ ಆಡಳಿತ ಮೊಕ್ತೇಸರ ಕೆ.ಕೃಷ್ಣ ಶ್ಯಾನುಭೋಗ್, ಪೈವಳಿಕೆ ಗ್ರಾ.ಪಂ ಸದಸ್ಯೆ ಜಯಲಕ್ಷ್ಮೀ ಭಟ್ ಕಾರ್ಯಕ್ರಮಕ್ಕೆ ಶುಭ ಹಾರೈಸಿದರು. ವೇದಿಕೆಯಲ್ಲಿ ದೇಗುಲದ ಆಡಳಿತ ಮೊಕ್ತೇಸರ ಮಾಧವ ವಿ ಭಟ್ ಉಪಸ್ಥಿತರಿದ್ದರು. ಗಣ್ಯರಿಗೆ ಬ್ರಹ್ಮಕಲಶ ಸಮಿತಿ ವತಿಯಿಂದ ಶ್ರೀದೇವರ ಪ್ರಸಾದ ಮತ್ತು ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ಶ್ರೀರಾಮಮೂರ್ತಿ ವಾಟೆತ್ತಿಲ ಸ್ವಾಗತ ಭಾಷಣ ಮಾಡಿದರು. ರಮಾನಂದ ಕೆದುಕೋಡಿ ಪ್ರಾರ್ಥನೆ ಹಾಡಿದರು. ಪುಷ್ಪಾಲಕ್ಷ್ಮೀ ಧನ್ಯವಾದವಿತ್ತರು. ಚಂದ್ರಶೇಖರ ಮಾಸ್ತರ್ ಕಾರ್ಯಕ್ರಮ ನಿರೂಪಿಸಿದರು. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ವಿಠಲ ನಾಯಕ್ ಕಲ್ಲಡ್ಕ ಇವರಿಂದ ಗೀತಾ ಸಾಹಿತ್ಯ ಸಂಭ್ರಮ ಏರ್ಪಟ್ಟಿತು. ಬೆಳಗ್ಗೆ 7 ರಿಂದ 10 ಗಂಟೆಯವರಗೆ ವಿವಿಧ ತಂಡಗಳಿಂದ ಭಜನ ಕಾರ್ಯಕ್ರಮ ಏರ್ಪಟ್ಟಿತು.
ಕ್ಷೇತ್ರದ ವೈದಿಕ ಕಾರ್ಯಕ್ರಮದ ಭಾಗವಾಗಿ ಪ್ರಾತಃಕಾಲ ಗಣಪತಿ ಹೋಮ, ಉಷಃಪೂಜೆ, ಅಂಕುರಪೂಜೆ, ಪಾಣಿವಾದನ, ಅನುಜ್ಞಾ ಬ್ರಹ್ಮಕಲಶಾಭಿಷೇಕ, ಪದ್ಮೋಲ್ಲೇಖನ ನಡೆಯಿತು. ಮಧ್ಯಾಹ್ನ ಮತ್ತು ರಾತ್ರಿ ಮಹಾಪೂಜೆ ಯ ನಂತರ ಪ್ರಸಾದ ವಿತರಣೆ ಮತ್ತು ಅನ್ನ ಸಂತರ್ಪಣೆ ಏರ್ಪಟ್ಟಿತು.
