ಕುಂಟಿಕಾನ ಮಠದಲ್ಲಿ ಬಿಜೆಪಿ ಅಭ್ಯರ್ಥಿಗಳಿಗೆ ಅಭಿನಂದನೆ

💐ಪರಶುರಾಮ ದೇವೆರೆನ ಸೃಷ್ಟಿದ  ಈ ನಮ್ಮ ಪೊರ್ಲ ನಿರ್ಮಲ ಮನಸ್ದ ತುಳುವೆರೆ ಆಳ್ವಿಕೆದ ದೇಶ ವಿದೇಶಲೆಡ್ ಎಡ್ಡೆ ಮಾನ್ಯತೆ ಪಡೆಯಿನ, ವೀರ ಯೋದೆರ್, ಸಾಹಿತಿಲು, ಚಿಂತಕೆರ್, ಕಲಾವಿದೆರ್, ರಾಜಕಾರಣಿಲು, ಧರ್ಮರಸುಲು, ಇಂಚಿನ ಗಣ್ಯೆರೆನ ಬೂಡಾಯಿನ ಸಾರಕಾಲದ ಇತಿಹಾಸ ದಿಂಜಿನ  ಈ ನಮ್ಮ ತುಳುನಾಡ್ ತುಳುವೆರೆ ಸಾದನೆ ಪ್ರತಿಭೆಲೆದ ಪರಿಶ್ರಮದ ಫಲವಾದ್ ಪ್ರತಿಕ್ಷೇತ್ರಡ್ಲಾ ಪೊರ್ಲ ಮಾನದಿಗೆನ್ ಪಡೆವೊಂದುಂಡು💐

      👏ಇಂಚಿನ ಪುಗರ್ತೆಗ್ ಮಸ್ತ್ ಮುಟ್ಟಡ್ ತುಳುನಾಡ ಕೀರ್ತಿನ್ ದೆರ್ತ್ ಪತ್ತಿನಕ್ಲ್ ನಮ್ಮ ತುಳುನಾಡ ಕಲಾವಿದೆರ್😍  

💐🌹ತನ್ನ ಕೆಲಸಕಾರ್ಯದ ನಡುಟು, ಕುಟುಂಬ ಸಂಸಾರ ಜವಾಬ್ದಾರಿ ಒತ್ತಡದ ನಡುಟು,ತುಳುಕಲಾಅಪ್ಪೆನ್ ನಂಬೊಂದು, ರಾತ್ರೆ ಪಗೆಲ್ ಪನ್ಪಿನ ತೂವಂದೆ, ಕಲಾಭಿಮಾನಿಲೆನ ಮನರಂಜನೆಗಾದ್ ,ರಂಗಸೇವೆದ ನಿರ್ಮಲ ,ನಿಸ್ವಾರ್ಥ ಮನಸ್ಡ್....... 👏ರಂಗಬೊಲ್ಪುಗು ದೀತಿನ್ ಫೋಕಸ್ ಲೈಟ್ ಲೆದ ಆ ಬೆಚ್ಚಗ್ ತಿಗಲೆ ಕೊರ್ದು, ಜಪ್ಪುನ ಬೆಗರ್ನ್ ಒಚ್ಚೊಂದು, ನಟನೆಗ್ ಅಭಿಮಾನಿಲೆನ ಕಡೆರ್ದ್ ತಿಕ್ಕುನ ಪ್ರೋತ್ಸಾಹನ್ ನಿರಿಕ್ಷೀಸಾವೊಂದು❤👏 ,ಕಲಾಭಿಮಾನಿಲು ಕೈ ಬುಡಯೆರ್ ಪನ್ಪಿನ ನಂಬಿಕೆಡ್ ಸದಾ ರಂಗಸೇವೆಡ್ ತುಳುನಾಡ್ ಗ್ ಪೆರ್ಮೆದ ಪುದರ್ ಕಣಪಾವುನ ನಮ್ಮ ತುಳುನಾಡ ಮೋಕೆದ ಕಲಾವಿದೆರೆ ನಮ್ಮ ತುಳುನಾಡ ಬೊಲ್ಪುಲು.

💥ಇಂಚಿನ ರಂಗಬೊಲ್ಪು ಕಲಾವಿದೆರೆನ ಸಾಲ್‌ಡ್.💥 

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

   ತುಳುನಾಡ ಪೆರ್ಮೆ ಜನಪದ ಆನ್ ಕಲೆ ಯಕ್ಷಗಾನಡ್ ಮೋನೆಗ್ ಬಣ್ಣ ಪೂಜೊಂದು ಅಪ್ಪೆ ಶಾರದೆನ ಕಲಾಸೇವೆಗ್ ಪಜ್ಜದೀವೊಂದು ಜನಪರಿಚಿತೆರಾದ್ ನಾಟಕ ಕ್ಷೇತ್ರಡ್ ಪೆರ್ಮೆದ ಕಲಾವಿದೆಯಾದ್ ಅಂಚನೆ ಸಮಾಜಮುಖಿ ಕಾರ್ಯಲೆಡ್ ತನ್ನ ಮುತಾಲಿಕೆನ್ ತೋಜಾಯಿನ ರಂಗಭೂಮಿದ ಹಿರಿಯಕಲಾಸಾದಕೆರ್. 

🌾💥💥🌾🌾💥💥🌾🌾

"💫ಬಾಲಚಂದ್ರ ಶೆಟ್ಟಿ ಸೋಮೇಶ್ವರ💫"

🌾💥💥🌾🌾💥💥🌾🌾

      🙏🥰ಕಲಾಅಪ್ಪೆನ ಇಚ್ಚೆದಲೆಕನೇ, ಮೆರೆನ ರಂಗಭೂಮಿದ ಮಿತ್ತ್ ಇತ್ತಿನ   ಆ ಗೌರವದಿಂಜಿನ ಮೋಕೆಡ್ ಅಪ್ಪ ಅಮ್ಮನ ಆಶೀರ್ವಾದಡ್‌ "1982 ಡಿಸೆಂಬರ್‌"ದ ತಿಂಗೊಳ್ಡು. ನಮ್ಮ ತುಳುನಾಡ ಆನ್ ಕಲೆ ಸರ್ವತುಳುವೆರ್ ಗೌರವಡ್ ತೂಪಿನ, ದೇಶವಿದೇಶಡೇ ವಿಶೇಷ ಗೌರವೊನು ಪಡಯೊಂದಿನ "ಯಕ್ಷಗಾನ"ದ ಮೂಲಕ ರಂಗಚಾವಡಿಗ್ ಪಜ್ಜದೀದ್ ತನ್ನ  ಐದನೇ ತರಗತಿದ ಕಲ್ಪಿನ ಪೊರ್ತುಡು   ದಿ. ಬಾಲಕೃಷ್ಣ ಮಯ್ಯ ಸಾರಥ್ಯ ಹವ್ಯಾಸಿ ಯಕ್ಷತಂಡನ್ ಸೇರೊಂದು "ಶರಸೇತು ಬಂಧನ" ಪನ್ಪಿನ ಪ್ರಸಂಗಡ್ ಬಣ್ಣ ಪೂಜೊಂದು "ದಿ.ಬಾಲಕೃಷ್ಣ ಮಯ್ಯ" ಮೆರೆನ ಯಕ್ಷಗರಡಿಡ್ ಮೋಕೆದ ಶಿಷ್ಯೆ ಆದ್ ಸಮರ್ಥಯಕ್ಷಗಾನ ಕಲಾವಿದೆ ಕಲಾಭಿಮಾನಿಲೆಗ್ ಪರಿಚಯ ಆಯೆರ್.

  🙏ಯಕ್ಷಗಾನದ ತಿರುಗಾಟೊದ ನಡುಟು ನಾಟಕರಂಗಡ್ಲ ನಟನೆಗ್ ಸೈ ಪನೊಂದು ಯಕ್ಷಗಾನದ ಒಟ್ಟುಗು ನೇತಾಜಿ ಸಂಕೊಲಿಗೆ ಪನ್ಪಿ ನಾಟಕ ತಂಡೊಡು ಸುರುತಸರ್ತಿ "ಕೋರ್ದಬ್ಬು ತನ್ನಿಮಾನಿಗ" ಪನ್ಪಿನ ಧಾರ್ಮಿಕನಾಟಕಡ್ ಕಲಾವಿದೆಯಾದ್ ಬಣ್ಣಪೂಜೊಂದು ಸಾದರಣ 40 ನಾಟಕ ಪ್ರದರ್ಶನಲೆನ್ ಕೊರೊಂದು ನೇತಾಜಿ ಬಳಗದ ಕಲಾಮಿತ್ರೆರೆ ಅಂಚನೆ ಪ್ರಕಾಶ್ ಬಂಗೇರ ಬಗಂಬಿಲ ಮೊಕ್ಲೆನ ಮಾರ್ಗದರ್ಶನೊಡು, "ಬಣ್ಣದ ಮಾಲಿಂಗೆರ್ ಕೃಶ್ಚಿಯನ್ ಬಾಬು ,ಯತೀಶ್ ಆಳ್ವ ಪುತ್ತೂರು" ಮೊಕ್ಲೆನ್ ಆದರ್ಶವಾದ್ ಎನ್ನೊಂದು ತುಳು ರಂಗಭೂಮಿಡ್ ಪೌರಾಣಿಕ - ಸಾಂಸಾರಿಕ- ಹಾಸ್ಯಮಯ ನಾಟಕಲೆಡ್ ಅಭಿನಯಮಲ್ತ್ ಕಲಾಭಿಮಾನಿಲೆನ ಅಭಿಮಾನದ ಕಲಾವಿದೆ ಆದ್ ಸಮಾಜಗ್ ಪರಿಚಯ ಆಯೆರ್ .

🔴ಕಲಾಸೇವೆಲು ಕೊರ್ನ ಕಲಾತಂಡೊಲು🔴

1.ನೇತಾಜಿ ಬಳಗ

2.ಒಂಜಾಕ ಬಗಂಬಿಲ

3.ಕಲಾಸಂಗಮ 

4.ಶ್ರೀ ಲಲಿತೆ

5.ಟೀಂ ಮಂಜು ಶ್ರೀ

6.ಯಕ್ಷ ತೇಜಸ್ವಿ ಅಡ್ಕ ಹವ್ಯಾಸಿ ತಂಡ

          🥰🙏ಅಪ್ಪೆಊರು ಸೋಮೇಶ್ವರಡ್ land links and Land Documentationದ ಉದ್ಯೋಗನ್ ಮಲ್ತೊಂದು ಅವೆತ ಒಟ್ಟುಗ್ ನಾಟಕ ತಂಡಡ್ಲಾ ನಿಸ್ವಾರ್ಥ ಕಲಾಸೇವನ್ ಮಲ್ಪಿನ ಒಟ್ಡುಗ್ "ಟೀಂ ಮಂಜುಶ್ರೀ" ಪನ್ಪಿನ ಸಮಾಜಸೇವಾ ಸಂಸ್ಥೆಡ್ ಸಾಮಾಜಿಕ ಹೋರಾಟಗಾರೆರ್ ಆದ್ ಬಡವೆರೆ ಕಷ್ಟಗ್ ಉಪಕಾರದ ಪುಗೆಲ್ ಕೊರ್ದು . ಮಾನಸಿಕ ನೆಮ್ಮದಿದಾಂತೆ "ಆತ್ಮಹತ್ಯೆಗ್ ಬಯಕುನ" ಜೀವಲೆಗ್‌ "ಜೀವ ಒರಿಪಾಗ" ಪನ್ಪಿನ ತಂಡಡ್‌ ನರಮಾನಿ ಜೀವನದ ಪಾಠ - ಮಹತ್ವನ್ ತೆರಿಪಾದ್ ಮಾನಸಿಕ ಸಂತ್ರಸ್ಥೆರೆಗ್ ದೈರ್ಯೊದ ಆತ್ಮವಿಶ್ವಾಸನ್ ದಿಂಜಾದ್ ಅಕ್ಲೆ ಪೊಸಜೀವನಗ್‌ ಸಾದಿತೋಜಾವುನ ದೇವೆರ್ ಮೆಚ್ಚುನ ಕಾರ್ಯಲೆಡ್ ಬೆನ್ಪಿನ ಸಮಾಜಸೇವಕೆರ್ ಮೇರ್. ತುಳುರಂಗಭೂಮಿದ ಸರ್ವಕಲಾವಿದೆರೆಡ್ ಮೋಕೆಡ್ ಪಾತೆರೊಂದು ಕಲಾವಿದನ ಕಲಾಪ್ರತಿಭೆಗ್ ತನ್ನರ್ದ್ ಪ್ರೋತ್ಸಾಹನ್ ಕೊರೊಂದು "ಬಾಲು ಅಡ್ಕ" ಪನ್ಪಿನ ಮೋಕೆದ ಪುದರ್ಡಪರಿಚಿಯರಾತೆರ್🤝.       

   🙏ನಿರಂತರ 39 ವರ್ಷ ಕಲಾಸೇವೆದ ಒಟ್ಟುಗ್ ಸಮಾಜಸೇವಕೆರಾದ್ ಬೆನ್ಬಿನ ಈ ಸಹೃದಯ ಹಿರಿಯ ಕಲಾವಿದೆರೆಗ್ ಆ ದೇವೆರ್ ಆಯುಷ್ಯ ಆರೋಗ್ಯ ಕೊರ್ದು ಅನುಗ್ರಹ ಮಲ್ಪಡ್, ಇರೆಗ್ ತುಳುನಾಡ ಧರ್ಮದೈವಲೆನ ಅನುಗ್ರಹ ಸದಾ ಉಪ್ಪಡ್🙏

 "ಬಾಲಚಂದ್ರ ಶೆಟ್ಟಿ ಮೆರೆನ ಉಡಲ್ ದ ಪಾತೆರ"

    ಕಲಾವಿದೆರ್  ಬತ್ತಿ ಸಾದಿನ್ ಮರಪಂದೆ ಹಿರಿಯ ಕಲಾವಿದೆರೆಗ್‌‌ ಗೌರವ ಕೊರ್ದು ಪೊರ್ಲುಡು ಅಪ್ಪೆಶಾರದೆನ ಚಾಕಿರಿ ಮಲ್ಪೊಡು.

  🙏🙏🙏🙏🙏🙏🙏🙏🙏🙏

👏ಮೋಕೆದ ಉಡಲ್ ದಿಂಜಿನ ಸೊಲ್ಮೆಲು👏